მსოფლიო
რუსეთში მერვე კლასის მოსწავლემ მასწავლებელი მოკლა
ნოვოსიბირსკის რაიონის ერთ-ერთ სკოლაში მერვე კლასის მოსწავლე დირექტორის მოადგილის, ვალენტინა ბოლდირევას მკვლელობის ბრალდებით დააკავეს. ამის შესახებ ინფორმაციას „Вести Новосибирск“ ავრცელებს.
დანაშაული 9 ივლისს, ღამის საათებში მოხდა. ეჭვმიტანილი პედაგოგის სახლში ღია ფანჯრიდან სავარაუდოდ, ძარცვის მიზნით შევიდა. ქალს ხმაურზე გაეღვიძა და მოზარდის დაკავება სცადა, რა დროსაც თავდამსხმელმა სასიკვდილო ჭრილობები მიაყენა.
ეჭვმიტანილმა დანაშაულის ადგილზე ნივთმტკიცებები – ხელთათმანები და სპორტული ფეხსაცმელები დატოვა, რამაც პოლიციელებს მისი აოცნობა გაუადვილა.
მერვეკლასელი იმავე სკოლაში სწავლობდა, სადაც ვალენტინა ბოლდირევა მუშაობდა. მერვეკლასელმა ჩადენილი დანაშაული უკვე აღიარა.