რუსეთში აშშ-ის ბოლო საკონსულო დაიხურა
აშშ -მა რუსეთში ბოლო საკონსულო დახურა. ეკატერინბურგში აშშ-ის გენერალურმა საკონსულომ მუშაობა შეწყვიტა და გენერალურმა კონსულმა ემი სტოროუმ რუსეთი დატოვა. სტოროუს გამოსამშვიდობებელი მიმართვა საკონსულოს ფეისბუქის გვერდზე გამოქვეყნდა.
„აშშ-ის გენერალური საკონსულო ეკატერინბურგში 27 წლის განმავლობაში აკავშირებდა ურალსა და დასავლეთ ციმბირს შეერთებულ შტატებთან, უზრუნველყოფდა სავიზო მომსახურებას, ატარებდა სემინარებს მეწარმეებისთვის და ადამიანებს ინგლისური ენის შესწავლაში ეხმარებოდა“ – ვკითხულობთ მიმართვაში.
სტროუმ იმედი გამოთქვა, რომ ეკატერინბურგში აშშ-ის გენერალური საკონსულოს მუშაობა უახლოეს ხანებში სრულად აღდგება.
ეკატერინბურამდე მუშაობის შეწყვეტის შესახებ ვლადივოსტოკში აშშ – ის საკონსულომ განაცხადა. ამ ორი დიპლომატიური მისიის დახურვის გეგმის შესახებ ცნობილი შარშან, დონალდ ტრამპის ადმინისტრაციის დროს გახდა.
რუსეთში აშშ-ის ერთადერთი დიპლომატიური ცენტრის დახურვის შემდეგ მხოლოდ მოსკოვში ამერიკის საელჩო დარჩა.
რუსეთმა სანკტ-პეტერბურგში აშშ-ს საკონსულოს დახურვის ბრძანება 2018 წელს, მას შემდეგ გასცა, რაც აშშ-მა დიდ ბრიტანეთში ყოფილი რუსი ჯაშუშის სერგეი სკრიპალის მოწამვლის გამო სიეტლში რუსეთის საკონსულოს დახურვა ბრძანა.
