მსოფლიო
ნოვაკ ჯოკოვიჩმა მსაჯს სახეში ბურთი გაარტყა და დიდი სლემის ტურნირიდან მოხსნეს (ვიდეო)
მსოფლიოს პირველმა ჩოგანმა ნოვაკ ჯოკოვიჩმა აშშ-ის ღია პირველობაზე დისკვალიფიკაცია მიიღო და ტურნირს ვეღარ გააგრძელებს.
ჯოკოვიჩი ჩემპიონატიდან ესპანელ პაბლო კარენო ბუსტასთან მერვედფინალისას ხაზის მსაჯისთვის ბურთის მორტყმის გამო მოხსნეს. ინციდენტი პირველი სეტის მე-11 გეიმის შემდეგ მოხდა, როცა ჯოკოვიჩმა საკუთარი მოწოდება წააგო და 5:6 ჩამორჩა.
ნოვაკი 10 წუთის განმავლობაში ელაპარაკებოდა სუპერვაიზერს იმის ასახსნელად, რომ ბურთი მსაჯის მიმართულებით შემთხვევით გაუშვა.
კარენო ბუსტა მეოთხედფინალში კანადელ დენის შაპოვალოვსა და ბელგიელ დავიდ შოფენს შორის მოგებულს შეხვდება.