ლაჩარი სააკაშვილია, ჩვენი ჯარისკაცები გმირები არიან, იყვნენ და იქნებიან – რიჟვაძე

ჩვენი ჯარისკაცები გმირები არიან, იყვნენ და იქნებიან, ლაჩარი სააკაშვილია, – ამის შესახებ აჭარის მთავრობის თავმჯდომარე თორნიკე რიჟვაძე „ფეისბუქის“  გვერდზე წერს.

„სხვა დროისთვის რომ იცოდეთ, კიდევ ერთხელ: ჩვენი ჯარისკაცები გმირები არიან, იყვნენ და იქნებიან, ლაჩარი თქვენი ბელადი სააკაშვილია“, – წერს თორნიკე რიჟვაძე.

შეგახსენებთ, გუშინ აჭარის უმაღლეს საბჭოში ანგარიშის წარდგენისას თორნიკე რიჟვაძემ განაცხადა: „გაორმაგებულია როგორც ვიზიტორების რაოდენობა, ისე შემოსავლების მოცულობა. ამ საერთო ხვედრით წილში არიან, მათ შორის იმ ქვეყნის მოქალაქეები, რომლებსაც 2008 წელს ლაჩრულად წაგებული ომის შემდეგ სააკაშვილის ხელისუფლებამ მწვანე აუნთო, უვიზო რეჟიმი დაუწესა და ყვავილებით, ქართული ღვინით ხელში ეგებებოდა“.