მსოფლიო
აშშ-ის ჯორჯიის შტატში დიდი ალბათობით მეორე ტური გაიმართება
მედიის ინფორმაციით, აშშ-ის ჯორჯიის შტატში დიდი ალბათობით მეორე ტური გაიმართება.
სენატში ადგილის მოსაპოვებლად ერთმანეთს უპირისპირდებიან მოქმედი სენატორი – პასტორი რაფაელ უორნოკი და ფეხბურთელი ჰერშელ უოკერი.
ამ დროისთვის უორნოკს 49.4% , ხოლო უოკერს 48.5% აქვს. სენატში მანდატისთვის 50%-ზე მეტის მოპოვებაა საჭირო. ეს კი ნიშნავს, რომ არჩევნების მეორე ტურის დანიშვნის შემთხვევაში, საბოლოო შედეგები ცნობილი გახდება 6 დეკემბრის შემდეგ.
ამ დროის მონაცემებით, სენატში დემოკრატებსა და რესპუბლიკელებსაც 48-48 ადგილი აქვთ მოპოვებული. წარმომადგენელთა პალატაში კი დემოკრატებს ჯერჯერობით 168, რესპუბლიკელებს კი 199 მანდატი აქვთ. უმრავლესობის მოსაპოვებლად 218 მანდატია საჭირო.