როგორ ფიქრობთ, წულუკიანის წინააღმდეგ ამ ე.წ. „პეტიციის” უკან რომელი პარტიის ყურები ჩანს? – ანჯაფარიძე
სსრკ-ში ასე იწერებოდა რეჟიმისთვის მიუღებელი პირების წინააღმდეგ ვითომ მშრომელთა კოლექტიური წერილები, რომელთა უკანაც კომპარტიის ყურები ჩანდა, – ასე ეხმიანება ექსპერტი ზაალ ანჯაფარიძე თეა წულუკიანის წინააღმდეგ დაწყებულ კამპანიას.
მისი ვარაუდით, ამ კამპანიის უკან კონკრეტული ოპოზიციური პარტია დგას.
„თეა წულუკიანის გადადგომის მოთხოვნის პეტიცია რაღაც კომუნისტური აზროვნების ნაჟური მგონია.
სსრკ-ში ასე იწერებოდა რეჟიმისთვის მიუღებელი პირების წინააღმდეგ ვითომ მშრომელთა კოლექტიური წერილები, რომელთა უკანაც კომპარტიის ყურები ჩანდა. როგორ ფიქრობთ, ამ ე.წ. „პეტიციის” უკან რომელი პარტიის ყურები ჩანს?“ – წერს ანჯაფარიძე facebook -ზე.
კულტურის სამინისტროს განცხადებით, ლიტერატურის მუზეუმმა გამოსცა ელენე ბაქრაძის წიგნი, სადაც ავტორის კუთვნილებად გამოცხადებულია ანა კალანდაძის ორი ლექსი. სამინისტრომ მუზეუმისგან მოითხოვა, რომ აღნიშნული გამოცემის გავრცელება შეწყდეს.