პოლიტიკა
„პირველად ვნახე, როცა ამერიკელი პოლიტიკოსი ქართულ ენაზე დაწერილი პოსტის სქრინს აქვეყნებს“ – ამირან სალუქვაძე
საქართველოს პრემიერ-მინისტრის, ირაკლი ღარიბაშვილის ვაშინგტონში დაგეგმილი ვიზიტი გადაიდო. ვრცელდება ინფორმაცია, რომ ადამ კინზინგერმა ღარიბაშვილთან შეხვედრა არ ისურვა. აღნიშნულ საკითხზე კონგრესმენმა კომენტარი სოციალურ ქსელში გააკეთა.
“კონგრესმენები და მე არასოდეს ვიტყოდით უარს პრემიერ-მინისტრთან შეხვედრაზე…
ამ კვირაში ვაშინგტონში არ ვიმყოფებით და ამიტომ ეს შეხვედრა ვერ გაიმართებოდა“- წერს კინზინგერი.
მომხდარს ანალიტიკოსი ამირან სალუქვაძე ფეისბუქში გამოეხმაურა.
„ადამ კინზინგერი “ფეიკნიუსებს” ებრძვის. პირველად ვნახე, როცა ამერიკელი პოლიტიკოსი ქართულ ენაზე დაწერილი პოსტის სქრინს აქვეყნებს, როგორც ცრუ ინფორმაციას და ამბობს, რომ პრემიერ-მინისტრთან შეხვედრაზე უარს არასდროს იტყვიან, უბრალოდ არ იმყოფებოდნენ ვაშინგტონში, რის გამოც შეხვედრა ფიზიკურად იყო შეუძლებელი“ – წერს ამირან სალუქვაძე.
