მთელი ცხოვრება დავდივარ მოსკოვში, პეტრბურგში, ყაზანში, ჩვენ აქ ქართველებთან ვიყავით – ხვიჩა მაღლაკელიძე მოსკოვში რესტორანში გამოსვლის შესახებ (ვიდეო)
ვრცელდება ვიდეო, სადაც ჩანს, რომ გუშინ, 23 ივნისს, მოსკოვში ქართველმა მომღერლებმა, სავარაუდოდ, ერთ-ერთ რესტორანში იმღერეს. ვიდეოებს სოციალურ ქსელში ავრცელებს ეკატერინე სტეფანოვა.
როგორც ვიდეოში ჩანს, საქართველოდან დაბადების დღის წვეულებაზე ჩავიდნენ: ნუცა ბუზალაძე, დათო ხუჯაძე, ხვიჩა მაღლაკელიძე და მიშო სულუხია. ადგილზე კი, სოსო პავლიაშვილი დახვდათ.
ქართველმა მომღერლებმა პავლიაშვილთან ერთად სიმღერა „სამშობლო“ ერთად შეასრულეს.
„მადლობა, რომ ჩვენ ყველა ერთად ქართულად ვმღერით! ყველაფერი ძალიან კარგად იქნება. ჩვენ ვიმარჯვებდით, ვიმარჯვებთ და გავიმარჯვებთ ყოველთვის”, – მიმართა რუსულ ენაზე პავლიაშვილმა შეკრებილ აუდიტორიას.
Ambebi.ge კომენტარის ჩასაწერად ხვიჩა მაღლაკელიძეს დაუკავშირდა. მუსიკოსმა დაადასტურა, რომ საღამო მოსკოვში შედგა და მას ქართველი შემსრულებლები ნამდვილად ესწრებოდნენ,
თუმცა მისი თქმით, ეს არ ყოფილა კონცერტი, ეს იყო კორპორატიული საღამო, რომელზეც ერთ-ერთი იქ მცხოვრები ქართველის დაბადების დღეს აღნიშნავდნენ.
მომღერალმა გამოცემას განუცხადა: მე რამე დავუშავე ვინმეს, თუ ამ ჰაერს რატომ ვსუნთქავ?
ხშირად მაქვს მართლა ურთიერთობა აქაურ ქართველებთან, არც მინახავს ახალი არაფერი, სადმე რამე დაიწერა? კიდევ კარგი “სამშობლოს“ ვმღეროდით და არა “კატიუშას“. ღმერთმა მშვიდობა მოგცეთ შინ და გარეთ, ეს ყველაფერი ჩაივლის, ჩვენ ვიყოთ ჯანმრთელად… მთელი ცხოვრება
დავდივარ მოსკოვში, პეტრბურგში, ყაზანში, დაბეჭდილა კიდეც და ჩემი სურათებიც დადებულა, მაგრამ რა პრობლემაა, მე მოვდივარ ქართველებთან… ჩვენი გამოსვლის დრო გვქონდა, მივედით, გამოვედით სცენაზე და წამოვედით სასტუმროში.
