„მიშას პირადი თამადა“ – რას წერს ირაკლი მამალაძე გიორგი უშიკიშვილზე?
ჟურნალისტი ირაკლი მამალაძე გიორგი უშიკიშვილის ფეისბუქ-პოსტს გამოეხმაურა, სადაც მომღერალი ევროკავშირისა და ამერიკის მიერ საქართველოსთვის გაწეულ სიკეთეებზე წერს:
„მიშას პირადი თამადა. ყანწი არ გაუგდია ხელიდან ის 9 წელი“ – წერს ირაკლი მამალაძე.
ეს კი გიორგი უშიკიშვილის ფეისბუქ-პოსტია:
1. ვისი დაფინანსებულია საქართველოში უნიკალური ხელნაწერების (მათ შორის გალობის), საუკუნის წინანდელი ხალხური მუსიკის ნიმუშების გაციფრებისა და გადარჩენის საქმე? – ამერიკა, ევროკავშირი.
2. ვისი დაფინანსებულია კულტურული მემკვიდრეობის ძეგლების (გარკვეული ნაწილის) რეაბილიტაცია? – ამერიკა, ევროკავშირი.
3. ვისი დაფინანსებულია მუზეუმების რეაბილიტაცია? (ნაწილის) – ამერიკა, ევროკავშირი.
4. სად უყვართ ყველაზე მეტად ჩვენი ხალხური მუსიკა და ცეკვა? სად დადის ფოლკლორული ანსამბლების 99% სამოგზაუროდ? – ამერიკა, ევროკავშირი.
5. რომელ ქვეყნებშია ქართული სიმღერის ანსამბლები, სადაც მხოლოდ უცხოელები მღერიან? – ევროპა, ამერიკა.
6. რომელი ქვეყნების მოქალაქეები ცდილობენ ქართული ენის შესწავლას? – ამერიკა, ევროპა.
7. რომელი ქვეყნის მოქალაქეები ჩამოდიან საქრთველოში ქართული ენისა და სიმღერის შესასწავლად? – ამერიკა, ევროპა.
8. ვისი ჩაწერილია მე- 20 საუკუნის დასაწყისში ჩვენი უნიკალური ხალხური სიმღერები, რითიც დღეს ვამაყობთ, ვმღერით და თავი მოგვწონს? – ევროპა.
ეს უცებ, რაც გამახსენდა და ყველაფერი ფაქტებით არის გამყარებული. აბა კარგად დავფიქრდეთ ესენი გვართმევენ ქართველობას და რუსები გვინარჩუნებენ? ამას ბევრი ფიქრი უნდა? იმედია, არა!” – წერს უშიკიშვილი.