საზოგადოება
კორონავირუსით 2-3 ჯანმრთელი ადამიანიც გარდაიცვალა და ბევრად მეტიც – თენგიზ ცერცვაძე
“კორონავირუსით 2-3 ჯანმრთელი ადამიანიც გარდაიცვალა და ბევრად მეტიც”, – ასე უპასუხა ინფექციური საავადმყოფოს დირექტორმა, თენგიზ ცერცვაძემ კითხვას, რამდენი პაციენტი გარდაიცვალა Covid-19-ით, რომლებსაც არ ჰქონდათ თანხმლები, ქრონიკული დაავადებები.
მისი თქმით, კორონავირუსით უსიმპტომო, ჯანმრთელი ადამიანებიც გარდაიცვალნენ.
“არ დამითვლია ზუსტად, ორია, სამია თუ ათია. შეიძლება, 12-იც არის. ამ შემთხვევაში, ორი-სამი ნიშნავდა იმას, რომ მცირე რიცხვია იმ გარდაცვლილებისა, რომლებიც ძირითადად იყვნენ ჯანმრთელი ადამიანები, არ ჰქონდათ რაიმე მძიმე თანმდევი დაავადება და მხოლოდ COVID-ით გამოწვეული გართულებებით გარდაიცვალნენ. ორი-სამიც გარდაიცვალა და ბევრად მეტიც, ეს უბრალოდ სიტყვის მასალად ვთქვი”, – განაცხადა თენგიზ ცერცვაძემ.
