საზოგადოება
კვლევა: მზის სინათლე კორონავირუსს 10 წუთში ანადგურებს
სანტა-ბარბარას კალიფორნიული უნივერსიტეტის სპეციალისტების მტკიცებით, მზის სინათლეს კორონავირუსის გასანადგურებლად მხოლოდ რამდენიმე წუთი სჭირდება. შესაბამისი კვლევის შედეგები ჟურნალში The Journal of Infectious Diseases გამოქვეყნდა.
იმაზე, რომ ულტრაიისფერ სხივებს კორონავირუსის განადგურება შეუძლია, სპეციალისტები 2020 წლის ზაფხულში საუბრობდნენ, თუმცა მაშინ მიიჩნეოდა, რომ ამისთვის რამდენიმე საათია საჭირო.
თუმცა ახალმა კვლევებმა აჩვენა, რომ ულტრაიისფერი სხივების ზემოქმედება შეიძლება კიდევ უფრო მძლავრი იყოს, რაც ვირუსს კიდევ უფრო სწრაფად, 10-20 წუთში ამარცხებს.
