ვაკის პარკში შადრევნის საქმეზე მერიის გარემოს დაცვის სამსახურის ყოფილი უფროსი დააკავეს
ვაკის პარკში შადრევნის საქმეზე მერიის გარემოს დაცვის სამსახურის ყოფილი უფროსი გიგა გიგაშვილი დააკავეს.
გენერალურმა პროკურატურამ განცხადება გაავრცელა, სადაც ნათქვამია, რომ მარიტა მეფარიშვილის გარდაცვალების საქმეზე, შინაგან საქმეთა სამინისტროში მიმდინარე გამოძიების და საინჟინრო-ტექნიკური ექსპერტიზის დასკვნების საფუძველზე, პროკურატურამ სამსახურებრივი გულგრილობის ჩადენის ფაქტზე, რამაც ადამიანის სიცოცხლის მოსპობა გამოიწვია, მერიის გარემოს დაცვის საქალაქო სამსახურის ყოფილ უფროსს და ყალბი ოფიციალური დოკუმენტის დამზადების და გამოყენების ფაქტზე, „ექსპერტიზა, მშენებლობა, დიზაინის“ სპეციალისტს ბრალდება წარუდგინა. ასევე აღნიშნულ სისხლის სამართლის საქმეზე ბრალდება წარედგინა სამ იურიდიულ პირს -„გრინსერვის +”-ს, “ექსპერტიზა, მშენებლობა, დიზაინს“ და „მშენექსპერტს“.
18 ოქტომბერს ვაკის პარკის შადრევნის საქმეზე 9 პირი დააკავეს. დაკავებულთა შორის არიან „გრინსერვის პლუსის“ დამფუძნებლები, თანამშრომლები და მერიის საქალაქო სამსახურის ხელმძღვანელის მოადგილე. საექსპერტო კომპანია „მშენ-ექსპერტის“ დირექტორი და თანამშრომელი. ასევე, ორი შემდუღებელი, რომლებიც ჩართულები იყვნენ სარეაბილიტაციო სამუშაოებში.