„მაღაზია რუსთაველზე, რომლის ვიტრინაშიც „ფორსაჟი 9“-ის გადაღებებისას მანქანა შევარდება 4 მილიონიან კომპენსაციას მიიღებს“
უკვე მესამე დღე რაც თბილისში „ფორსაჟი 9“-ის გადაღებები მიმდინარეობს და უკვე მესამე დღე რაც ჰოლივუდური ბლოკბასტერი განხილვის ერთ-ერთი მთავარი თემაცაა. “კომერსანტი“ ერთ-ერთი პირველი იყო ვინც წერდა, რომ ჰოლივუდის ფილმში ქართული წარმოების “დიდგორი მეომარი“ გამოჩნდებოდა.
ამჯერად ახალ ექსკლუზიურ დეტალზე გესაუბრებით:
აღსანიშნავია, რომ საზოგადოებისთვის ფილმის სიუჟეტის მხოლოდ ერთი მონაკვეთია ცნობილია – სპეცტრაილერი ბეთანიაში დიდი სიმაღლიდან გადავარდება. ბეთანიის გაზე მომხდარი ავარია საქართველოში გადაღებულ 10 წუთიან მონაკვეთის ერთადერთი ავტოსაგზაო შემთხვევა არ იქნება.
26 აგვისტოდან 3 სექტემბრამდე გადასაღები მოედანი რუსთაველის გამზირზე გადაინაცვლებს.
როგორც “კომერსანტისთვის“ გახდა ცნობილი, ამ დროს გადაიღებენ ფილმის იმ მონაკვეთს, როდესაც მანქანა ერთ-ერთი მაღაზიის ვიტრინაში შევარდება.
ჩვენთვის ასევე გახდა ცნობილი, რომ Universal Pictures-ი ამ სცენაში ობიექტების მფლობელ კომპანიებს, სადაც მანქანა შევარდება მთლიანობაში 4 მლნ ლარს გადაუხდის.
“კომერსანტი“ შეეცადა გაერკვია კონკრეტულად რომელ სავაჭრო ობიექტზეა საუბარი.
ერმენეჯილდო ზენია, ჰუგო ბოსი, გარდერობი, პოლ & შარკი — სავარაუდოთ, ეს იმ საერთაშორისო ბრენდების ჩამონათვალია, რომელთა მაღაზიებიც რუსთაველის გამზირზე მდებარებს. ამ 4 ბრენდს საქართველოში ერთი ოფიციალური წარმომადგენლი ჰყავს – შპს ვიქტორია-98.
კომერსანტის ინფორმაციით, მაღაზია, სადაც ძვირადღირებული, ბრენდული მაქნანა უნდა შევარდეს “პოლ & შარკია“. თუმცა, როგორც კომპანიის წარმომადგენელმა განგვიცხადა, ფილმის გადამღებ ჯგუფს “პოლ & შარკთან“ დაკავშირებით არანაირი მოლაპარაკება არ ჰქონიათ.
როგორც ცნობილია, Universal Pictures-ი ფილმის დეტალების გაუთქმელობასთან დაკავშირებით პარტნიორ კომპანიებთან ხელშეკრულებას აფორმებს.
შეგახსენებთ, რომ „ფორსაჟი 9“ის გადაღება 19 აგვისტოდან 20 სექტემბრამდე გაგრძელდება.
