6 თვიანი კომის შემდეგ გარდაიცვალა ქალი, რომელსაც ქვიშხეთში ავარიისას მეუღლე და 3 შვილი დაეღუპა
ქვიშხეთში 25 იანვარს მომხდარი ავარიის შედეგად დაშავებული ქალიც გარდაიცვალა.
ავტომობილი, რომელშიც ოჯახის ხუთი წევრი იჯდა, მდინარეში გადავარდა. მომხდარის შედეგად მამა, მხატვარი ბაქარ ბანძელაძე და სამი შვილი ადგილზე გარდაიცვალა. დაშავებული მარიანა ქორიძე უგონო მდგომარეობაში კლინიკაში გადაიყვანეს.
ის ამ დრომდე კომატოზურ მდგომარეობაში აპარატზე იყო შეერთებული.
ცნობისთვის, ხაშურიდან ბორჯომისკენ მიმავალ გზაზე (ქვიშხეთთან) ავტოსაგზაო შემთხვევა 26 იანვარს მოხდა. შემთხვევის შედეგად ოთხი ადამიანი გარდაიცვალა. არსებული ინფორმაციით, მძღოლმა საჭე ვერ დაიმორჩილა და მდინარეში გადავარდა. ავტომობილში ერთი ოჯახის 5 წევრი იმყოფებოდა. მძღოლი ადგილზე გარდაიცვალა, ბავშვები კი საავადმყოფოში მიყვანამდე.