2023 წელს კომერციულმა ბანკებმა 2,714 მლრდ ლარის წმინდა მოგება მიიღეს. რაც 30%-ით მეტია წინა წლის მაჩვენებელზე. 2022 წელს ბანკების წმინდა მოგებამ 2,091 მლრდ ლარი შეადგინა.
ეროვნული ბანკის სტატისტიკის მიხედვით, 2023 წელს კომერციული ბანკების საპროცენტო შემოსავლები – 7,153 მლრდ ლარი, ხოლო, საპროცენტო ხარჯები 3,264 მლრდ ლარი იყო.
ამავე სტატისტიკით, 2023 წელს ბანკების მიერ მიღებულმა საპროცენტო შემოსავლებმა სესხებიდან 5,997 მლრდ ლარი, ჯარიმებიდან – 109,9 მლნ ლარი, ხოლო ვალუტის ყიდვა-გაყიდვის ოპერაციებიდან მიღებულმა მოგებამ 667,2 მლნ ლარი შეადგინა.
