„ქართული ოცნების“ ოფისში პოლიტსაბჭოს სხდომა ჩაინიშნა

„ქართული ოცნება – დემოკრატიული საქართველოს“ ოფისში დღეს პარტიის პოლიტსაბჭოს სხდომა გაიმართება. სხდომა 16:00 საათზე დაიწყება.

როგორც „ინტერპრესნიუსს“ საპარლამენტო უმრავლესობის ერთ-ერთმა ლიდერმა გია ვოლსკიმ განუცხადა, პოლიტსაბჭოს წევრები პარტიის შემდგომი განვითარების გეგმებზე იმსჯელებენ.

ვოლსკის ინფორმაციით, საუბრის ერთ-ერთი თემა პარტიის მომავალი თავმჯდომარის არჩევის საკითხიც იქნება.

ცნობისთვის, დღეს „ქართული ოცნების“ თავმჯდომარემ ბიძინა ივანიშვილმა თანამდებობა და პარტია დატოვა. არსებული ინფორმაციით, ივანიშვილს პარტიის ხელმძღვანელის პოზიციაზე ირაკლი კობახიძე შეცვლის.