“პიკში შევედით, ეს პიკი და აღმასვლა გაგრძელდება, თუ გამკაცრებული ზომები არ მივიღეთ“

დაავადებათა კონტროლის ცენტრის ხელმძღვანელის ამირან გამყრელიძის განცხადებით, კორონავირუსის გავრცელების მხრივ ქვეყანა უკვე პიკში იმყოფება და ამ პიკის შემცირების მიზნით, აუცილებელია შეზღუდვების გამკაცრება:

“ჩვენ პიკში შევედით,  ეს პიკი და აღმასვლა გაგრძელდება, თუ ჩვენ არ მივიღეთ გამკაცრებული ზომები, ანუ რაც არის მიღებული, თუ არ გავაფართოვეთ და გავამკაცრეთ.

გამკაცრება რეგულაციების, ტესტირების მეტი ხელმისაწვდომობა, მეტი მზადყოფნა პირველადი ჯანდაცვის სექტორში და 85 %-ის ოჯახის ექიმის მიერ მართვა – ასეთია დღეს ზოგადი მიდგომა და ამ მიმართულებას მივყვებით.

დანის პირზე უნდა ვიაროთ, რომ ერთის მხრივ, წინ აღვუდგეთ ინფექციის შემდგომ გავრცელებას და დავამუხრუჭოთ, მეორეს მხრივ, რაც შეიძლება ნაკლები ზიანი მივაყენოთ ეკონომიკას,” – განაცხადა ამირან გამყრელიძემ.