“ეს არ იყო პირველი უსაფრთხო დაშვება მის პრაქტიკაში. მადლობა უფალს, მადლობა შენს ეკიპაჟს”

ინფორმაცია, რომელსაც მთელი დღის განმავლობაში ყველა ველოდით: “Georgian Airways-ის თვითმფრინავი, რომელსაც თბილისიდან ვენის მიმართულებით ფრენის დროს ტექნიკური პრობლემა შეექმნა, თბილისში უსაფრთხოდ დაჯდა. პრობლემა შასის გაუმართაობა გახდა, რის გამოც პილოტმა უკან მობრუნება გადაწყვიტა. თემურ თოლომაშვილმა 180 ადამიანის სიცოცხლე იხსნა”.

გავრცელებული ინფორმაციით, ტექნიკური პრობლემა თვითმფრინავის აფრენიდან რამდენიმე წუთში დაფიქსირდა. შედეგად იგი თბილისის ცაზე 2 საათის განმავლობაში დაფრინავდა, რათა საწვავი დაეცალა. სპეციალისტების თქმით, ეს აუცილებელია თვითმფრინავის უსაფრთხოდ დაშვებისთვის. ბორტზე 180 მგზავრი და ეკიპაჟის წევრები იმყოფებოდნენ. ყველა მათგანის ჯანმრთელობის მდგომარეობა დამაკმაყოფილებელია.

ამჟამად აეროპორტი ფრენებს განრიგის მიხედვით ასრულებს და ამ მხრივ რაიმე შეფერხება არ არის. ადგილზე სასაწრაფო სამედიცინო ბრიგადები, საგანგებო სიტუაციების მართვის სამსახურისა და საპატრულო პოლიციის წარმომადგენლები იმყოფებოდნენ.

ჩემი ერთადაერთი ძმა