დაკავებულ ბიჭს პირადად არ ვიცნობ, არც „დროას“ წევრია, მაგრამ ყველანაირად დავიცავთ – ელენე ხოშტარია ლაზარე გრიგორიადისის შესახებ

„მარტის მოვლენებში ერთადერთი მოძალადეც და მოღალატეც არის „ქართული ოცნება“, ვინც მიიტაცა პარლამენტი, იძალადა კონსტიტუციაზე და იძალადა ხალხზე.

ახლა დაკავებულ ბიჭს პირადად არ ვიცნობ, არც „დროას“ წევრია, მაგრამ ყველანაირად დავიცავთ.

ახლა ვეძებთ კონტაქტებს ოჯახთან და, მათი სურვილისამებრ, მათ გვერდში ვიქნებით. ბრიუსელში ვიზიტის ერთ-ერთი მთავარი თემა სწორედ დემონსტრანტების დაცვა იყო და მათ ქვეყნის გარედანაც და შიგნიდანაც დავიცავთ!“ – წერს ელენე ხოშტარია სოციალურ ქსელში.