არასდროს მესმოდა სიტყვათა კომბინაცია „სამძიმარზე ვიღაცასთან ერთად ვერ მივალ“, არც პირად, ადამიანურ ცხოვრებაში მესმის ასეთი რამე და არც პოლიტიკურ ცხოვრებაში გავიგებ ამას – ხვიჩია უკრაინაში საქართველოს დელეგაციის წასვლასთან დაკავშირებით

საპარლამენტო ცხოვრების ნაწილია როგორც ერთობლივი, ისე ცალ-ცალკე ვიზიტები,- ამის შესახებ პარტია „გირჩის“ ლიდერმა იაგო ხვიჩიამ განაცხადა.

„საპარლამენტო ცხოვრების ნაწილია როგორც ერთობლივი, ისე ცალ-ცალკე ვიზიტები. მე არასდროს მესმოდა სიტყვათა კომბინაცია „სამძიმარზე ვიღაცასთან ერთად ვერ მივალ“, არც პირად, ადამიანურ ცხოვრებაში მესმის ასეთი რამე და არც პოლიტიკურ ცხოვრებაში გავიგებ ამას“,- აღნიშნა იაგო ხვიჩიამ.

პარლამენტის თავმჯდომარის, შალვა პაპუაშვილის განცხადებით, მას უკვე ჰქონდა კომუნიკაცია უკრაინელ კოლეგასთან და დაუდასტურა უკრაინაში ვიზიტისთვის მზაობა.