„ეგ შენობა კი არ უნდა გაყიდოთ, არამედ დაშალოთ.. მაგ სივრცეში მაგის დატოვება დანაშაულია“ – მერაბ მეტრეველი
რამდენიმე წარუმატებელი მცდელობის შემდეგ, მთავრობა „რიყის დოქებს“ წინა აუქციონთან შედარებით 33%-იანი ფასდაკლებით ყიდის. „ხელისუფლებავ, ეგ შენობა კი არ უნდა გაყიდოთ, არამედ დაშალოთ და სხვაგან გადაიტანოთ!“ – ამის შესახებ სოციალურ ქსელში ჟურნალისტი მერაბ მეტრეველი წერს.
ცნობისთვის, მთავრობამ „რიყის დოქების“ საპრივატიზაციო აუქციონი თავდაპირველად 2020 წლის დასაწყისში გამოაცხადა, მაშინ ობიექტი 95 მლნ ლარად იყიდებოდა, თუმცა ის არავინ იყიდა. უკვე შემდგომი აუქციონი 2021 წლის მარტში გამოცხადდა, კომპლექსის საწყისი ღირებულება 71,250 მლნ ლარი იყო, თუმცა ისიც უშედეგოდ დასრულდა. მესამედ „რიყის დოქები“ აუქციონზე მთავრობამ აპრილის დასაწყისში გამოიტანა და მაშინ ობიექტის საწყისი ღირებულება 71,250 მლნ ლარი იყო.
თბილისის ცენტრში მდებარე ობიექტის მშენებლობა, რომელიც 75 მლნ ლარი დაჯდა, 2013 წელს დასრულდა, თუმცა მას შემდეგ ის უფუნქციოდ არის მიტოვებული.