„ან დაუმორჩილებლობა, ან სახელმწიფო გადატრიალება!“- გუბაზ სანიკიძე ხალხს ქუჩაში გამოსვლისკენ მოუწოდებს

ოპოზიციის ერთ-ერთი ლიდერი გუბაზ სანიკიძე რადიკალურ განცხადებებზე გადავიდა. იგი ოპოზიციას მიმართავს ხვალ დილიდანვე გონს მოეგოს და დაიწყოს დაუმორჩილებლობა:

„მივმართავ პოლიტიკურ სპექტრს, გამოდით მდგომარეობიდან დროზე, გამოფხიზლდით, ქვეყანა არის ჩასაბარებლად გამზადებული რუსეთისთვის. ხვალ დილიდანვე ოპოზიცია გამოფხიზლდეს, შევიკრიბოთ და მივიღოთ გადაწყვეტილება. ორი მიმართულებაა – ან ვიწყებთ დაუმორჩილებლობას, ან ხდება სახელმწიფო გადატრიალება. პოლიტიკოსებო, სად ხართ, გამოფხიზლდით“, – განაცხადა გუბაზ სანიკიძემ.