მსოფლიო
ტრამპი H1-B, J1 და L1-ის ტიპის ვიზებს ზღუდავს, გრძელდება მწვანე ბარათზე დაწესებული შეზღუდვებიც
შეერთებული შტატების პრეზიდენტი დონალდ ტრამპი, წლის დასასრულამდე, უცხოელი მუშახელისთვის საიმიგრაციო ვიზების ბევრ კატეგორიას ზღუდავს. პრეზიდენტი აცხადებს, რომ მიზეზი კორონავირუსის პანდემიის ეკონომიკური შედეგებია და ამერიკელი მუშახელის სამუშაო ადგილების დაცვაა.
ვიზების კატეგორიებს შორისაა: ეიჩ-1-ბ (H-1B), ელ-1 (L1) და ასევე ჯეი-1 (J1) გტიპის ვიზები. დროებითი აკრძალვა ასევე მოიცავს ეიჩ-2ბ (H-2b) ტიპის ვიზას, რომელიც სეზონურ მუშახელზე გაიცემა. შეზღუდვების მიუხედავად, პრეზიდენტის ბრძანება მოიცავს ასევე გამონაკლისებს მათ შორის მკვლევარებს (J1-ის შემთხვევაში) და სოფლის მეურნეობაში დასაქმებულებს, ჯანდაცვის მუშაკებს და ძიძებს.