სხვადასხვა

ევროპის ბაზარზე შავი ბროწეული – Black Candy (შავი კანფეტი) გამოჩნდა

ევროპის ბაზარზე შავი ბროწეული, კომერციული სახელწოდებით – Black Candy (შავი კანფეტი) გამოჩნდა,რომელმაც უკვე ძალიან დიდი დაინტერესება გამოიწვია. ამის შესახებ ინფორმაციას FruitNews ავრცელებს.

მათივე ცნობით, აღნიშნული ხილი სპეციალური ჯიშის სტატუსის მისაღებად ამჟამად რეგისტრაციას ესპანეთში გადის, სულ მალე კი სხვა ქვეყნებშიც გამოჩნდება.

გავრცელებული ინფორმაციით, ბროწეულს ზრდის პროცესში შავი კანი აქვს, ხოლო როდესაც მწიფდება მისი შეფერილობა მეწამული (მოიასამნისფრო) ხდება. ამასთან, მისი მარცვლები წითელი, წვნიანი და ტკბილი გემო-თვისებებით გამოირჩევა.

Fertviherс-ის სელექციონერებმა ახალ ჯიშზე მუშაობა ჰიბრიდიზაციის მეთოდით 2005 წელს დაიწყეს. შავი ბროწეულის ნერგის მიღება კი, 5 წლის წინ დაასრულეს, – წერს east-fruit-ი.

„შავი ბროწეულის ბაზარზე გამოჩენის დღიდან უამრავ ზარს ვიღებთ. მისმა მრავალფეროვნებამ წარმოუდგენელი ინტერესი გამოიწვია. სამომავლოდ ჩვენ მხოლოდ ექსკლუზიურ ხელშეკრულებებს გავაფორმებთ საცალო გაყიდვების მიმართულებით. არ გვინდა, რომ ეს ხილი დიდი რაოდენობით გაიყიდოს. ის მხოლოდ პრემიუმ ტიპის ბაზრებისთვის იქნება განკუთვნილი“,-აცხადებენ Fertviherс-ში.

სელექციონერების აზრით, შავ ბროწეულს დიდი პერსპექტივა კოსმეტიკის და წვენების ინდუსტრიებშიც აქვს.

bpn.ge

მეტი

მსგავსი სიახლეები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Back to top button
Close