სამართალი
უსახლკარო ქართველ მამაკაცს ნიდერლანდების პოლიციამ 12,5 მილიონი ევრო აღმოუჩინა
ეინდჰოვენში (ნიდერლანდები) დაკავებულია ქართველი მამაკაცი, რომელსაც 12,5 მილიონი ევრო აღმოაჩნდა. ამის შესახებ ადგილობრივი მედია წერს.
დაკავებულის ადვოკატი აცხადებს, რომ 35 წლის მამაკაცი უსახლკაროა. მას ფულის გათეთრება ედება ბრალად. დაკავებული თანხის წარმომავლობას არ ასახელებს.
პოლიციის ცნობით, მამაკაცი პირველ მაისს დააკავეს, როდესაც სამართალდამცავებმა ეინდჰოვენის ერთ-ერთ სახლში 12,5 მილიონი ევრო აღმოაჩინეს. გავრცელებული ინფორმაციით, ჩხრეკისას პოლიციამ ასევე ამოიღო ორი ცეცხლსასროლი იარაღი, ამუნიცია და ფულის სათვლელი აპარატი.
1tv.ge
