სამართალი
სოფელ მარტყოფის საზოგადოებრივ ცენტრში აფეთქება მოხდა
სოფელ მარტყოფის საზოგადოებრივ ცენტრში აფეთქება მოხდა. აფეთქების შედეგად შენობის წინა ფასადი ჩამოინგრა.
ადგილობრივი მედიასაშუალება ტვ 4-ის ცნობით, შენობაში აფეთქება ბანკომატის გატეხვის მიზნით გვიან ღამით, დაახლოებით 03:00 საათზე განახორციელეს.
ადგილზე მობილიზებულია პოლიცია და მიმდინარეობს საგამოძიებო მოქმედებები.
საქართველოს შინაგან საქმეთა სამინისტრომ გამოძიება 185-ე მუხლით დაიწყო, რაც ნივთის განზრახ დაზიანებას ან განადგურებას გულისხმობს.
