სამშენებლო დარგში დასაქმებულთა ხელფასი 16.4 %-ით გაიზარდა

მშენებლობის ღირებულების ინდექსი წინა კვარტალთან შედარებით 7.2 %-ით გაიზარდა.  სტატისტიკის ეროვნული სამსახურის ცნობით, ცვლილება განპირობებულია სამშენებლო დარგში დაქირავებულ დასაქმებულთა საშუალო თვიური ნომინალური ხელფასის 16.4 %-იანი ზრდით.

„საქსტატის“ ცნობით, წინა წლის შესაბამის კვარტალთან შედარებით მშენებლობის ღირებულების ინდექსი გაიზარდა 11.7%-ით. ინდექსის ზრდა, ძირითადად, გამოწვეული იყო სამშენებლო მასალებზე ფასების 11.8 %-იანი ზრდით.