მიხალკოვმა ბილ გეითსი მოსახლეობის საყოველთაო დაჩიპვის გეგმაში დაადანაშაულა

რუსი რეჟისორი ნიკიტა მიხალკოვი ეჭვობს, რომ მილიარდერსა და ქველმოქმედს ბილ გეითს პლანეტის ყველა ადამიანის დაჩიპვა სურს. ამის შესახებ რეჟისორმა საკუთარი საავტორო გადაცემის, “ბესოგონ TV”-ის ეთერში განაცხადა.

მიხალკოვის აზრით, Microsoft-ის დამფუძნებელს სურს მოაწყოს მსოფლიო აპოკალიფსი: ”მისი ძირითადი მიზანია მოსახლეობის შემცირება, რომელიც ზედმეტად მოიხმარს ჟანგბადს, საკვებს და ყველაფერ დანარჩენს”, – თქვა მან.
რეჟისორმა აღნიშნა, რომ ვაქცინაციის ნაცვლად, კომპანია აპირებს კაცობრიობის დაჩიპვას: ”ჩიპი, რომელიც ადამიანის სხეულში ჩაიდგმება, მაკონტროლებელი ორგანოს როლს შეასრულებს იმის სამართავად, რომ ადამიანების ყოველდღიური აქტივობების მახასიათებლები შეესაბამებოდეს გარკვეულ კრიპტოვალუტას.”

როგორც მტკიცებულება, მიხალკოვმა წარადგინა რაღაც პატენტი, რომელიც რეგისტრირებულია Microsoft Technology Licensing, LLC– ს მიერ, WO / 2020/060606 ნომრით. რეჟისორმა აღნიშნა, რომ პატენტის რიცხვი ბიბლიური “მხეცის რიცხვის” მსგავსია და ეს მსგავსება მას გარკვეულწილად აფიქრებს.

ადრე, პირველ არხზე გადაცემა „ადამიანი და კანონი“-ს ავტორებმა მაიკროსოფტის დამფუძნებელს მიუძღვნეს სიუჟეტი სახელწოდებით „მსოფლიო პანდემიის ტროას ცხენი“. პროგრამის შემქმნელები იხსენებენ მსოფლიო ქსელში გავრცელებულ დაუდასტურებელ თეორიებს, რომ გეითს სურს კაცობრიობის ნაწილის განადგურება.

აქვე უნდა აღინიშნოს, რომ აპრილის ბოლოს გეიტსმა გამოთქვა ვარაუდი იმის შესახებ, თუ როდის შეძლებს სამყარო ნორმალურ მდგომარეობაში დაბრუნებას. მილიარდერის თქმით, ამ პროცესს ერთ-ორ წლამდე დასჭირდება.

ქველმოქმედმა და მისმა მეუღლემ COVID-19– ის წინააღმდეგ ბრძოლისთვის 100 მილიონი დოლარი გადარიცხეს.