მსოფლიო
კოვიდინფიცირებულთან კონტაქტის შემდეგ რუსეთის პატრიარქი კირილი კარანტინში გადავიდა
რუსეთის პატრიარქი კირილი კორონავირუსით ინფიცირებულთან კონტაქტის შემდეგ კარანტინში იმყოფება. ამის შესახებ პატრიარქის ერთ-ერთი ეპისკოპოსისადმი გაგზავნილ წერილშია ნათქვამი, რომელიც მოსკოვის საპატრიარქოს ვებგვერდზე გამოქვეყნდა.
საპატრიარქოში აღნიშნეს, რომ კირილი თავს კარგად გრძნობს და მუშაობას დისტანციურ რეჟიმში აგრძელებს.
გასული დღე-ღამის განმავლობაში რუსეთში კორონავირუსით ინფიცირების 11,493 ახალი შემთხვევა გამოვლინდა, 191 პაციენტი გარდაიცვალა. პანდემიის დაწყებიდან დღემდე რუსეთში კორონავირუსის 1,260,112 შემთხვევა დადასტურდა, ხოლო 22,056 ადამიანი გარდაიცვალა. 1,002,329-მა პაციენტმა ვირუსის დამარცხება შეძლო.