„ქართული ოცნების“ დეპუტატი ელისო ბოლქვაძე ტელეკომპანია „ფორმულას“ კითხვაზე, რა ნაწარმოებია ან რომელი ავტორია მისთვის ბიძინა ივანიშვილი აცხადებს, რომ ივანიშვილი მისთვის ბეთჰოვენის მე-9 სიმფონიაა.
„რა კარგია რომ ასეთ ადამიანებთან [„ქართული ოცნება“] მოვედი და პირველ რიგში, რა თქმა უნდა, მოვედი ბატონ ბიძინას იდეების გამგრძელებელი. ასე ვთქვათ, ჩემი შთაგონება არის ეს. ჩემი ინსპირაცია იყო ბიძინა ივანიშვილი.
თუ შევადარებთ ხელოვნების სფეროს – ბეთჰოვენია ალბათ ჩემთვის, ბეთჰოვენის სიმფონია, ბეთჰოვენს ბევრი სიმფონია აქვს დაწერილი – მესამე, მეოთხე, მეცხრე. მეცხრე ალბათ, ყველაზე დიდი კულმინაციაა“, – აცხადებს ელისო ბოლქვაძე.
