სხვადასხვა
ვიეტნამელი სტილისტი და მისი უჩვეულო ვარცხნილობები (ფოტო)
ახალგაზრდა ვიეტნამელი სტილისტი, ჩუონგსუანტუანი ჰანოიში თავისი უჩვეულო ვარცხნილობებით გახდა ცნობილი. უბრალო ინსტრუმენტების დახმარებით ის თავისი კლიენტების თავებზე ხელოვნების ნიმუშებს ქმნის.
30 წლის ჩუონგსუანტუანი უკვე 10 წელია სტილისტად მუშაობს, ბოლო 5 წელი კი ვარცხნილობის სხვადასხვა სტილით ექსპერიმენტებს ატარებს.
ვარცხნილობის გაფუჭების რისკი საკმაოდ მაღალია, რადგან რთულია თავზე წარუმატებელი ნახატი უბრალოდ წაშალო და ახალი დახატო, ამიტომ ჩუონგსუანტუანი ხშირად იძულებულია უარი უთხრას კლიენტებს, რომლებიც საკუთარი ფოტოებით მოდიან ან არასტანდარტულ დიზაინს ითხოვენ.
ორიგინალური ვარცხნილობის ფასი 20-დან 30 დოლარამდე მერყეობს. ვიეტნამელი სტილისტის თქმით, ზოგი ნახატი გამოკვეთილად 2-3 დღის განმავლობაში ჩანს, ზოგი კი 10 დღე და მეტი.