დადგინდა, რომ კორონავირუსისგან დაცვის საუკეთესო საშუალება „მზის ვიტამინია“
დიდ ბრიტანეთში, ბირმინგემის უნივერსიტეტის მკვლევარებმა დაადგინეს, რომ D ვიტამინის დეფიციტის შემთხვევაში, მისი მიღება კორონავირუსით ინფიცირებისგან ეფექტურად იცავს. მეცნიერების განმარტებით, კვლევებმა დაადასტურეს, რომ კოვიდინფიცირებული მედიკოსების უმეტესობას D ვიტამინის დეფიციტი დაუდგინდათ.
ბრიტანელმა მეცნიერებმა SARS-CoV-2 ანტისეხეულებისა და D ვიტამინის შემცველობაზე 392 მედიკოსის სისხლის ნიმუში შეისწავლეს და აქედან 55%-ში კორონავირუსის ანტისხეულები, ხოლო 61%-ში D ვიტამინის დეფიციტი აღმოჩნდა. ამასთან ვიტამინის დეფიციტის მქონე პირებს აღენიშნებოდათ ისეთი სიმპტომები, როგორიცაა ცხელება, სახსრების ტკივილი და ა.შ. კვლევის შედეგების მიხედვით, მეცნიერებმა დაასკვნეს, რომ D ვიტამინის დეფიციტი ადამიანს ვირუსის მიმართ უფრო მოწყვლადს ხდის.
უფრო ადრე ბოსტონის უნივერსიტეტის მედიცინის სკოლის მკვლევარებმა დაადგინეს ძლიერი კავშირი D ვიტამინის ნაკლებობასა და ახალი ტიპის კორონავირუსით (კოვიდ-19) გამოწვეულ სიკვდილიანობას შორის. კვლევის შედეგების თანახმად, იტალიის, ესპანეთისა და დიდი ბრიტანეთის მსგავს ქვეყნებში, სადაც კოვიდ -19-ით დაღუპვის დონე მაღალია, პაციენტებს ჰქონდათ უფრო დაბალი D ვიტამინის დონე, ვიდრე პაციენტებს იმ ქვეყნებში, სადაც სიკვდილიანობა დაბალი იყო.
ცნობისთვის, D ვიტამინის ნაკლებობა ასუსტებს იმუნურ სისტემას, რის გამოც ადვილად ვცივდებით და გვხვდება ვირუსები. ვიტამინი D
- გვიმაგრებს ძვლებს;
- ამცირებს დიაბეტის რისკს;
- ამცირებს გაციების რისკს;
- ხელს უწყობს ჯანსაღ ორსულობას;
- გვეხმარება კიბოს პრევენციაში.
D ვიტამინს სხვანაირად მზის ვიტამინსაც უწოდებენ, რადგანაც მისი სხივები გარდაქმნიან პროვიტამინს ვიტამინად. თუმცა, როდესაც ამინდი არ გვაძლევს ამის საშუალებას, დანაკლისი შეგვიძლია ავინაზღაუროთ საკვების მეშვეობით.
D ვიტამინს შეიცავს: კვერცხის გული, ყველი, თევზის ქონი, საქონლის ღვიძლი და ისეთი ცხიმიანი თევზები, როგორებიცაა: თინუსი, ორაგული, სარდინია, ქაშაყი და სკუმბრია.