აღარც სიტყვას აქვს ძალა და აღარც სწორ მოქმედებას, რადგან ქართველი ერი საქართველოს მომთხრელებს უგალობს – გურამ ქართველიშვილი

“სოფელი სადაც მე სამუდამოდ გადმოვსახლდი დაცლილია. არადა ვინც წავიდა სააგარაკოდაც აღარ ამოდის ზაფხულობით ამ მიწიერ სამოთხესავით სოფელში. ასეთი მთის სოფლები კი ირგვლივ გაუკაცრიელებული, ატყევებული ან ორიოდ ადგილის დედის ერთგულის ამარაა დარჩენილი. გაღმა მხარი კი სადაც უწინ ჭავჭავაძეები სახლობდნენ საუკუნეების მანძილზე უკვე არაბმა იყიდა და დასახლებას აშენებს. აქ ასეთი სურათია, ისევე როგორც მთელ საქართველოში. ქვეყანა ქართული მოსახლეობისგან იცლება და გამალებით იყიდება გადამთიელებზე….

შედეგებზე აღარაფერს დავწერ რადგან აქაურ სოფლელებს ახსოვთ რომ ასეთ სავალალო მდგომარეობას ათი წლის წინ ვეჩიჩინებოდი მათ და ათასობით სტატია და გამოსვლაც არ დამიკლია ქართველების გაქრობა გათქვეფის შესახებ, მაგრამ აღარც სიტყვას აქვს ძალა და აღარც სწორ მოქმედებას, რადგან ქართველი ერი საქართველოს მომთხრელებს უგალობს და მათ სამსახურშია. ნაწილი ნებით ნაწილი კი უნებლიედ”.