მსოფლიო
არესტოვიჩი თანამდებობიდან გადადგა
უკრაინის პრეზიდენტის მრჩეველი, ოლექსეი არესტოვიჩი, გადადგა – განცხადება ომში მყოფი ქვეყნის მაღალჩინოსანმა სოციალურ ქსელში გაავრცელა.
არისტოვიჩის თანამდებობიდან გადადგომის ცნობებს უკრაინული მედიაც ადასტურებს.
“დავწერე განცხადება თანამდებობიდან წასვლის შესახებ. მინდა ვაჩვენო ცივილიზებული ქცევის მაგალითი. პრინციპული შეცდომა – ნიშნავს გადადგომას”, – წერს არესტოვიჩი.
უკრაინის პრეზიდენტის მრჩეველი სკანდალში რამდენიმე დღის წინ გაეხვა, როცა თქვა, რომ დნიპროში საცხოვრებელი კორპუსის ნაწილის ჩამონგრევა უკრაინის საჰაერო თავდაცვის მიერ რუსული Х-22 რაკეტის ჩამოგდებამ გამოიწვია. ამ განცხადების გამო არისტოვიჩს ბოდიშის მოხდაც კი მოუწია.
რადას დეპუტატებმა მისი თანამდებობიდან გადადგომის მოთხოვნით ხელმოწერების შეგროვებაც დაიწყეს.