ამირან გამყრელიძეს კორონავირუსი არ დაუდასტურდა

დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ თვითიზოლაცია დაასრულა, მას კორონავირუსი არ დაუდასტურდა და სამსახურში დაბრუნდა.

ამის შესახებ საქართველოს პირველ არხს დაავადებათა კონტროლის ეროვნული ცენტრის საზოგადოებასთან ურთიერთობის სამსახურში განუცხადეს.

დაავადებათა კონტროლის ეროვნული ცენტრის დირექტორი თვითიზოლაციაში 17 ნოემბერს, ოჯახის ინფიცირებულ წევრთან კონტაქტის გამო გადავიდა.