“ძალიან მაგრად ფეხებზე მკიდია, საქართველოში რა ხდება, დამანებონ თავი” – საქართველოში, სავარაუდოდ, არეულობის ორგანიზებასა და ხელისუფლების დამხობის შესახებ დეტალები (ვიდეო)

„ქრონიკას“ ექსკლუზიურად მიაწოდეს ინფორმაცია საიდუმლო საუბრის შესახებ, რომელშიც უკრაინაში მყოფი ვანო ნადირაძე და „ნაციონალური მოძრაობისა“ და მოძრაობა „საქართველოსთვის“ წარმომადგენელი კახაბერ კვეკვესკირი ფიგურირებენ.

წყაროს ინფორმაციით, რომლის ვინაობაც არ სახელდება, საუბრის მთავარი თემა „ნაციონალური მოძრაობის“ დაბრუნებისთვის ნიადაგის შემზადება, საქართველოში არეულობის ორგანიზება და ხელისუფლების დამხობაა.

„ქრონიკასთან“ საუბრისას ამ ცნობას ორივე სავარაუდო მონაწილე უარყოფს. საინტერესოა, რომ თავად ნადირაძე ცნობილია თავისი რადიკალური შეხედულებებით და განცხადებებით.