პოლიტიკა

ნიკა მელიას ბედზე ნიანგის ცრემლებით საუბარს არ დავიწყებ, მას სჭირს ის, რაც დაიმსახურა – წულუკიანი

ფაქტია, რომ სახეზეა ქართულ პოლიტიკურ ველზე დამარცხებული და ბოლომდე გაკოტრებული რადიკალური ოპოზიცია. ეს ქვეყნისთვის და მისი პოლიტიკური განვითარებისთვის კარგი არ არის, მაგრამ კიდევ ერთხელ ადასტურებს, რომ რადიკალურ დღის წესრიგს არ აქვს ამ ქვეყანაში არავითარი პერსპექტივა. ამიტომაც, თუ მათ მაგალითზე სხვა პოლიტიკური ძალები ისწავლიან, მათ შორის მაგალითად ის, ვისაც სურს, რომ მალე გამოვიდეს სცენაზე.

ნიკა მელიას ბედზე ნიანგის ცრემლებით საუბარს არ დავიწყებ, რადგან მას სჭირს ის, რაც დაიმსახურა, ვერ ჩამოყალიბდა ლიდერად, – ამის შესახებ საქართველოს კულტურის მინისტრმა თეა წულუკიანმა განაცხადა.

„თქვენის ნებართვით, ნიკა მელიას ბედზე ნიანგის ცრემლებით საუბარს არ დავიწყებ, რადგან მას სჭირს, რაც დაიმსახურა, ვერ ჩამოყალიბდა ლიდერად, ამიტომაც ეს ყველაფერი არის იმ კატასტროფის პირას, რომელსაც ყველა ერთად, ზოგი მხიარულად, ზოგი დამწუხრებით უყურებს, რა სჭირს ჩვენს რადიკალურ ოპოზიციას. რეალურად, ოპოზიცია თითქმის აღარ არსებობს, რაც ჩვენი ქვეყნისთვის ძალიან დიდი პოლიტიკური პრობლემაა“, – აღნიშნა თეა წულუკიანმა.

თეა წულუკიანმა კიდევ ერთხელ განაცხადა, რომ სახეზეა ქართულ პოლიტიკურ ველზე დამარცხებული და ბოლომდე გაკოტრებული რადიკალური ოპოზიცია.

„ჩვენ რასაც ვხედავთ, არის საბოლოოდ განადგურებული რადიკალური ოპოზიციის რიგები, პირველ რიგში, „ნაციონალური მოძრაობა“, მაგრამ „ნაციონალურ მოძრაობაში“ არ იგულისხმება მხოლოდ ერთი პარტია. „ნაციონალური მოძრაობა“ ჩვენ 2012 წლის პირველ ოქტომბერს დავამარცხეთ და დღეს მარტივ მამრავლებად არის დაშლილი. მთელი ეს დაჯგუფებები რეალურად უკვე არიან საბოლოოდ განლევის რეჟიმში, ერთმანეთთან დაპირისპირებაში. როგორც ჩანს, ოლიგარქი კეზერაშვილი ამ პროცესებში ცდილობს, ხელი მოითბოს, რადგან აქვს სხვებზე მეტი ფნანსური რესურსი, რომელიც სხვათაშორის, თავის დროზე ქართულ ჯარს მოპარა, როგორც მინისტრმა. მართალი გითხრათ, არ ვარ მასზე იმდენად დიდი წარმდოგენის, რომ ვაანალიზო, რა გეგმები აქვს კეზერაშვილს.

ფაქტია, რომ სახეზეა ქართულ პოლიტიკურ ველზე დამარცხებული და ბოლომდე გაკოტრებული რადიკალური ოპოზიცია. ეს ქვეყნისთვის და მისი პოლიტიკური განვითარებისთვის კარგი არ არის, მაგრამ კიდევ ერთხელ ადასტურებს, რომ რადიკალურ დღის წესრიგს არ აქვს ამ ქვეყანაში არავითარი პერსპექტივა. ამიტომაც, თუ მათ მაგალითზე სხვა პოლიტიკური ძალები ისწავლიან, მათ შორის მაგალითად ის, ვისაც სურს, რომ მალე გამოვიდეს სცენაზე. ხომ შეიძლება, არიან ახალგაზრდები, რომლებსაც სურთ პოლიტიკაში ჩართვა. ამ მხრივაც საინტერესოა ეს პროცესი, რომ სხვებმა ისწავლონ იმ მაგალითზე, რაც „ნაციონალურ მოძრაობას“ და მის სხვადასხვა დანაყოფს სჭირს, რომ რადიკალური დღის წესრიგი საქართველოს საზოგადოებისთვის აღარ არის საინტერესო“, – განაცხადა თეა წულუკიანმა.

მეტი

მსგავსი სიახლეები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Back to top button
Close