“კრიზისი აქვს ,,ნაციონალურ მოძრაობას” და არა “ქართულ ოცნებას” – კალაძე

დედაქალაქის მერმა კახა კალაძემ ჟურნალისტებს კითხვაზე, რომ “ქართული ოცნება” პოლიტიკურ კრიზისს განიცდის, ასე უპასუხა:

“ვის აქვს კრიზისი? კრიზისი აქვს ,,ნაციონალურ მოძრაობას” და უნდა იზრუნონ, რომ კრიზისიდან გამოვიდნენ. მე მგონია, ეს წლები ძალიან კარგი გაკვეთილი უნდა იყოს, თუ როგორ იმოქმედონ მომავალში. რადგანაც დესტრუქცია, მუდამ არეულობის მცდელობა, აზიანებს მათ. აზიანებს ქვეყანასაც, თუმცა, პირველ რიგში, ხდება მათი პარტიის მარგინალიზაცია. შესაბამისად, ამ პარტიის ლიდერებმა უნდა მიიღონ გადაწყვეტილება, თუ როგორ იმოქმედონ. დღემდე მათ მიერ გადადგმული ნაბიჯები ყოველთვის მარცხისთვის იყო განწირული. თუ ასეთი მიდგომები გაგრძელდება, რა თქმა უნდა, ყოველთვის ასე იქნება”- განაცხადა კახა კალაძემ.