მსოფლიო
ვაქცინა ყველაზე გონივრული გადაწყვეტაა დაავადების პროფილაქტიკისთვის – რომის პაპი
ვაქცინა ყველაზე გონივრული გადაწყვეტაა დაავადების პროფილაქტიკისთვის, – განაცხადა რომის პაპმა ფრანცისკემ.
„ვაქცინები არ არის ჯადოსნური სამკურნალო საშუალება. ისინი ყველაზე გონივრული გადაწყვეტაა დაავადების პროფილაქტიკისთვის“, – აღნიშნა რომის პაპმა.
მისი თქმით, ადამიანებზე გავლენას ახდენს უსაფუძვლო ინფორმაცია ან ცუდად დოკუმენტირებული ფაქტები, რომლებიც რეალობას ამახინჯებენ.
„თითოეულ ჩვენგანს პასუხისმგებლობა ეკისრება, ვიზრუნოთ საკუთარ თავზე და ჩვენს ჯანმრთელობაზე. ჯანმრთელობა მორალური ვალდებულებაა“, – განაცხადა რომის პაპმა.
რომის პაპმა ხაზგასმით აღნიშნა, რომ ვაქცინებმა ეფექტურად შეამცირა კორონავირუსის მძიმე შედეგები და მოსახლეობის ვაქცინაციის ძალისხმევა უნდა გაგრძელდეს.
