Sliderსამართალი

“ესენი აპირებენ ცოცხლად დამმარხონ და 11 წელი ვიყო, შემდეგ კიდევ რამე მომისაჯონ” – სააკაშვილი

მე ამ ხალხის მესმის, რატომ არის გაბრაზებული ჩემზე. მესმის და მზად ვარ, შევხვდე, განვიხილო კიდეც ეს და ვაღიარო, სად არ ვარ მართალი

მივმართავ ბევრ ადამიანს, ვინც არ მეთანხმება პოლიტიკურად, მეგობრებო, ვიცი, რომ ბევრი ხართ უკმაყოფილო, მზად ვარ, შევხვდე, განვიხილო კიდეც ეს და ვაღიარო, სად არ ვარ მართალი, – ამის შესახებ საქართველოს ყოფილმა პრეზიდენტმა მიხეილ სააკაშვილმა სასამართლო პროცესზე განაცხადა.

მისივე თქმით, ადამიანები, რომლებიც მის მხარდასაჭერად ქუჩაში გამოდიოდნენ, ძალიან ამხნევებდნენ.

„მინდა, მივმართო ძალიან ბევრ ადამიანს, ვინც არ მეთანხმება პოლიტიკურად. მარტო ჟურნალისტებზე არ მაქვს საუბარი, ბევრ ადამიანს. მეგობრებო, ვიცი, რომ ბევრი ხართ უკმაყოფილო, ჩვენ ჩავატარეთ ცვლილებები და რეფორმები, რომელშიც ბევრმა ადამიანმა დაკარგა სამსახური და ეს არ იყვნენ მარტო კორუმპირებული პოლიციელები თუ ლექტორები, რომელიც მისაღებ გამოცდებს ჰყიდდნენ, ინსტიტუტებში ადგილებს, ეს იყვნენ ჩვეულებრივი წესიერი ადამიანებიც, რომლების სამსახურები შემცირდა, გადაჯგუფდა. შემდეგ მოხდა ასაკობრივი დისკრიმინაცია, რადგან ბევრი ახალგაზრდა მინისტრი მოვიდა და იმათ უფრო ახალგაზრდებთან ერჩივნათ მუშაობა. ახლა ჩემი ასაკის გადმოსახედიდან ეს იყო განსაკუთრებით დიდი უსამართლობა. მიმაჩნია, მიუხედავად იმისა, რომ ესენი აპირებენ, ცოცხლად დამმარხონ და 11 წელი ვიყო, შემდეგ კიდევ რამე მომისაჯონ, მეც მიმაჩნია, რომ ეს არის დისკრიმინაცია, მე ამ ხალხის მესმის, რატომ არის გაბრაზებული ჩემზე. მესმის და მზად ვარ, შევხვდე, განვიხილო კიდეც ეს და ვაღიარო, სად არ ვარ მართალი. მაგრამ მეგობრებო, ვიდრე ახლა ვარ ჩემივე სამშობლოში ვლადიმერ პუტინის მძევალი, ვიდრე ამ გისოსის უკან ვარ, როგორ წარმოგიდგენიათ, ჩემ მიერ საკუთარი სიმართლის დაცვა ან თქვენი სიმართლის ასე თავისუფლად გაზიარება. დააკვირდით, რომ ეს ლურჯად არის შეღებილი? აქედან ყავისფერია, ეს ლურჯადაა და არა მგონია, რომ შემთხვევით არის ლურჯად შეღებილი, ეს ლურჯი სამართალი, ე.ი სრული უსამართლობა, „ოცნების“ ფერის სრული უსამართლობა.

მთავარი, მინდა, უბრალოდ მოგიყვეთ, თქვენ განიცდიდით ყოველ წამს და თქვენი ტელევიზიაში გამოსვლები მამხნევებდა, ხალხის ქუჩაში გამოსვლა ძალიან მამხნევებდა. თითოეული თქვენგანის აქ მჯდომის მიმართვა ძალიან მამხნევებდა, მაგრამ, როდესაც გონება დავკარგე და როდესაც გასაგები იყო, რომ მართლა როგორც თქვა ელენე ხოშტარიას დედამ, რომ სააკაშვილი გადადებულია და ბრძანება იყო, უნდა მოვეკალი, ერთადერთი, რამაც ეს შეაჩერა, არა სტრასბურგის გადაწყვეტილება, არამედ იყო ხალხის სულ უფრო დიდი ნაკადი ქუჩაში, იყო მედიის ერთი ნაწილის სრული კონსოლიდაცია, რომელზეც გადართო ხალხმა ტელევიზია, რადგან იქ ითქმებოდა სიმართლე. როდესაც გონება დავკარგე და მეორე დილას ძალიან ცუდად ვიყავი, თვლიდნენ ექიმები, როგორც ამას წინათ ერთ-ერთმა მითხრა, რომ სიცოცხლის ორი-სამი დღე მქონდა დარჩენილი. დილის 7:00 საათზე მომიწყვეს შუმოკი, თან როგორი, ე.ი. წინა შუმოკები იყო უბრალოდ ჩემი დედის გინება, ხმაური და ახლა იყო – მოვდივართ, მოვდივართ, მოვდივართ, დაიწყო კარებებმა ბრახუნი, ბადრაგი არსად იყო და არც ერთი სამედიცინო პერსონალი, თითქმის ერთი საათის განმავლობაშიიყო სრული შთაბეჭდილება, რომ ანგრევენ კარებებს და შემოდიან. ეს იყო აბსოლუტურად ხელოვნურად დადგმული, დაორგანიზებული ნაწილი იმ წამებისა, რომელიც იქ ხდებოდა“, – განაცხადა მიხეილ სააკაშვილმა.

მეტი

მსგავსი სიახლეები

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Back to top button