მსოფლიო

გამოძიების ფედერალური ბიუროს აგენტებმა დონალდ ტრამპის სახლიდან საიდუმლო დოკუმენტების 11 ნაკრები ამოიღეს

აშშ-ის გენერალურმა პროკურორმა დაადასტურა, რომ ყოფილი პრეზიდენტის რეზიდენციის ჩხრეკის ორდერის გაცემა მან დაამტკიცა. თავად ტრამპი გამოძიებას პოლიტიკურად მოტივირებულს უწოდებს.

ამერიკული მედიის ინფორმაციით, გამოძიების ფედერალური ბიუროს აგენტებმა დონალდ ტრამპის სახლიდან საიდუმლო დოკუმენტების 11 ნაკრები ამოიღეს, მათგან რამდენიმე დოკუმენტს გრიფი „სრულიად საიდუმლო“ ადევს.

მედიის ცნობით, გამოძიების ფედერალური ბიუროს აგენტებმა ჩხრეკისას დაახლოებით 20 ყუთი ამოიღეს, მათ შორის იყო ფოტოალბომები, ხელნაწერი შენიშვნები, ასევე ინფორმაცია „საფრანგეთის პრეზიდენტის“ შესახებ.

დონალდ ტრამპის რეზიდენცია ფლორიდაში ფედერალური საგამოძიებო ბიუროს აგენტებმა 9 აგვიტოს გაჩხრიკეს. საქმე ეხება ინფორმაციას, რომ აშშ-ის ყოფილმა პრეზიდენტმა თეთრი სახლიდან უკანონოდ წაიღო დოკუმენტები. გრიფით „სრულიად საიდუმლო“ დოკუმენტების წაღება აშშ-ში კანონით ისჯება.

აშშ-ის გენერალურმა პროკურორმა დაადასტურა, რომ ყოფილი პრეზიდენტის რეზიდენციის ჩხრეკის ორდერის გაცემა მან დაამტკიცა. თავად ტრამპი გამოძიებას პოლიტიკურად მოტივირებულს უწოდებს.

მეტი

მსგავსი სიახლეები

კომენტარის დატოვება

თქვენი ელფოსტის მისამართი გამოქვეყნებული არ იყო.

Back to top button